Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

23 Mar 2017

Беларусь і Сусветны банк дамовіліся рэалізаваць новы комплексны праект у сферы ЖКГ

23 сакавіка, Мінск /Кар. БЕЛТА/. Беларусь і Сусветны банк дамовіліся аб рэалізацыі новага комплекснага праекта ў сферы ЖКГ. Аб гэтым ішла размова на сустрэчы намесніка прэм'ер-міністра Беларусі Анатоля Калініна з кіраўніком прадстаўніцтва Сусветнага банка ў Беларусі Ян Чул Кімам, паведамілі БЕЛТА ў прэс-службе ўрада.

На сустрэчы абмяркоўвалася ўзаемадзеянне Беларусі з СБ у сферы жыллёва-камунальнай гаспадаркі і транспарту. Анатоль Калінін падзякаваў кіраўніцтву банка за фінансавую дапамогу і адзначыў важнасць для Беларусі кансультацый па рэалізацыі шэрага сумесных праектаў.

Віцэ-прэм'ер паведаміў, што Беларусь выканала ўсе абавязацельствы перад банкам у 2016 годзе па рэалізацыі праектаў у сферы ЖКГ. "У снежні 2016 года завершана асваенне сродкаў асноўнай пазыкі па праекце "Развіццё сістэм водазабеспячэння і водаадвядзення". За час яго рэалізацыі ўведзена ў эксплуатацыю 22 аб'екты водазабеспячэння і водаадвядзення. У чэрвені 2017 года будзе завершана рэалізацыя комплекснага праекта па абыходжанні з цвёрдымі адходамі, у рамках якога ў Гродне пабудавана прадпрыемства па механічным сартаванні камунальных адходаў магутнасцю 120 тыс. т у год і завяршаецца закупка сучаснага абсталявання і спецыялізаванай камунальнай тэхнікі для ўдасканалення сістэмы паасобнага збору цвёрдых камунальных адходаў у рэгіёне. Аналагічнае смеццеперапрацоўчае прадпрыемства ўжо за кошт унутраных інвестыцый будзе пабудавана ў 2017-2018 гадах у Віцебску", - праінфармаваў ён.

Анатоль Калінін таксама абмеркаваў з кіраўніком прадстаўніцтва СБ у Беларусі пытанні асваення сродкаў дадатковай пазыкі, прадастаўленай Сусветным банкам для рэалізацыі праекта ў водным сектары, уключэння ў яго каля 30 новых аб'ектаў водазабеспячэння і водаадвядзення.

Акрамя таго, дасягнута дамоўленасць аб пачатку сумеснай падрыхтоўкі комплекснага праекта ў сектары ЖКГ, што ўключае кампаненты ў сферы абыходжання з адходамі, водазабеспячэння і водаадвядзення, цеплазабеспячэння і іншых. Сусветным банкам плануецца прыцягнуць да рэалізацыі такога праекта на ўмовах сумеснага фінансавання крэдытна-фінансавыя арганізацыі Еўрапейскага саюза, уключаючы Еўрапейскі банк рэканструкцыі і развіцця і Еўрапейскі інвестыцыйны банк.

Што датычыцца інфраструктурнага праекта ў сферы транспарту - мадэрнізацыі транзітнага калідора М6 Мінск-Гродна, то, паводле слоў Анатоля Калініна, дзякуючы сумеснай канструктыўнай рабоце з Сусветным банкам беларускаму боку ўдалося аператыўна правесці ўсе неабходныя мерапрыемствы і на некалькі месяцаў раней пачаць рэканструкцыю дарогі. "Набраныя тэмпы вядзення работ на двух пачатых участках усяляюць упэўненасць у завяршэнні праекта раней за намечаныя тэрміны. Урад рэгулярна кантралюе рэалізацыю гэтага праекта. Акрамя таго, цяпер аб'яўлены конкурс па выбары падрадчыка на рэканструкцыю трэцяга ўчастка дарогі. Урадам пастаўлена задача завяршыць рэканструкцыю і ўвесці ў эксплуатацыю ўсе тры ўчасткі гэтай дарогі ў 2018 годзе", - адзначыў намеснік прэм'ер-міністра.

На сустрэчы былі разгледжаны пытанні ўзаемадзеяння па прапанаваных беларускім бокам новых інфраструктурных праектах (рэканструкцыя М7 Мінск-Ашмяны, рамонт дарожнага пакрыцця на выездах з Мінска ў напрамку Гродна і Гомеля, дарогі М10 Гомель-Кобрын на ўмовах дзяржаўна-прыватнага партнёрства), а таксама магчымасць сумеснага ўдзелу Сусветнага банка і еўрапейскіх фінансавых інстытутаў у рэалізацыі трансгранічных праектаў, ініцыіруемых Беларуссю сумесна з краінамі-суседзямі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі