Галоўная Пра Беларусь Турызм Бізнес Улада Прэс-цэнтр

Пра Беларусь

Отели

Поиск отеля

Трансфер

| Галоўная | Пра Беларусь | Спорт

Спорт у Беларусі

У Беларусі фізічнай культуры і спорту ўдзяляецца вялікая ўвага. Гэта пацвярджаюць высокія дасягненні ў спорце і наяўнасць спартыўных збудаванняў сусветнага класа

Спартыўныя збудаванні ў Беларусі

Палітыка дзяржавы нацэлена на тое, каб усім прадаставіць магчымасць займацца спортам. Дзякуючы такому падыходу беларускія школы, ВНУ, а таксама дзіцячыя дашкольныя ўстановы цудоўна аснашчаны для заняткаў спортам.
Сёння ў краіне функцыянуюць больш як 26 000 аб’ектаў фізкультурна-спартыўнага прызначэння, у тым ліку:

243 стадыёны
278 басейнаў
5140 спартыўных залаў
722 міні-басейны ў дзіцячых дашкольных установах
46 спартыўных манежаў
27 каткоў са штучным ільдом
12212 спартыўных пляцовак

Папулярныя віды спорту ў Беларусі

У Беларусі займаюцца многімі відамі спорту. Найбольш папулярныя:

лёгкая атлетыка
футбол
гімнастыка
лыжны спорт
хакей
тэніс
фехтаванне
барацьба
валейбол
гандбол
плаванне
шахматы і шашкі

Цэнтр «Раўбічы»

Раўбічы – адзін з лепшых у свеце цэнтраў для біятлона.

У ліку яго збудаванняў:

лыжная траса працягласцю 20,5 км
спускі для фрыстайла
комплекс лыжных трамплінаў 20, 40 і 60 метраў
стрэльбішча з 36 механічнымі мішэнямі
цэнтр для заняткаў спортам пад дахам, які ўключае гімнастычныя залы, пляцоўкі са штучным пакрыццём і плавальныя басейны

Акрамя спартыўных збудаванняў цэнтр мае дзве 4-зоркавыя гасцініцы, рэстараны і бары.

Прафесійны спорт у Беларусі

У Беларусі шмат навучальных цэнтраў для падрыхтоўкі прафесійных спартсменаў, у тым ліку:

Беларускі дзяржаўны універсітэт фізічнай культуры
11 вучылішч алімпійскага рэзерву
165 спецыялізаваных школ алімпійскага рэзерву
Больш за 250 дзіцяча-юнацкіх спартыўных школ

280 ураджэнцаў Беларусі сталі чэмпіёнамі свету і Еўропы ў многіх відах спорту.

Беларусь і Алімпійскія гульні

Беларусь можа ганарыцца сваёй гісторыяй удзелу ў Алімпійскіх гульнях. 69 беларусаў сталі алімпійскімі чэмпіёнамі.

Упершыню беларусы прынялі ўдзел у Алімпійскіх гульнях у 1952 годзе ў Хельсінкі ў складзе зборнай СССР.

Як незалежная дзяржава Беларусь удзельнічала ў зімовых Алімпійскіх гульнях у Лілехамеры ў 1994 годзе і заваявала два сярэбраныя медалі.

На Алімпійскіх гульнях у Пекіне ў 2008 годзе Беларусь заваявала 19 медалёў, у тым ліку 4 залатыя і 5 сярэбраных. Найбольш паспяхова беларуская каманда выступіла ў лёгкай і цяжкай атлетыцы, веславанні на каноэ і заняла 16-е месца па колькасці заваяваных медалёў. Таксама беларусы ўвайшлі ў лік чэмпіёнаў і прызёраў зімовых Алімпійскіх гульняў у Ванкуверы ў 2010 годзе, на якіх заваявалі 1 залаты медаль у фрыстайле, сярэбраны і бронзавы медалі ў біятлоне.

У Беларусі тры буйныя цэнтры алімпійскай падрыхтоўкі: у Стайках, Раўбічах і Ратамцы.

Многія знакамітыя алімпійцы родам з Беларусі.

Беларусь і Параалімпійскія гульні

У Беларусі таксама моцная параалімпійская каманда. На Параалімпійскіх гульнях у Пекіне ў 2008 годзе Беларусь заваявала 13 медалёў, у тым ліку 5 залатых.

На Х зімовай Параалімпіядзе ў Канадзе ў 2010 годзе беларускія спартсмены заваявалі 9 медалёў (2 залатыя, 7 бронзавых). У медальным заліку Параалімпіяды Беларусь заняла 9-е месца, па агульнай колькасці прызавых месц паўтарыўшы рэкордны вынік Турына-2006 (1 залаты, 6 сярэбраных, 2 бронзавыя медалі).